28 ліпеня органам гандлю Беларусі спаўняецца 100 гадоў з дня іх утварэння.
Гандлёвая галіна - гэта вельмі важны і неад'емны складальнік эканомікі,
драйвер яе развіцця, ад стану якой залежаць якасць жыцця і настрой грамадзян Рэспублікі
Беларусь. Сёння ў ёй працуе больш за 600 тысяч работнікаў з розных куткоў нашай
краіны, якія, дзякуючы сваёй прадпрымальнасці, арганізатарскім здольнасцям,
дзелавітасці, садзейнічаюць вырашэнню важных сацыяльна-эканамічных задач:
задавальненню патрэбнасцей насельніцтва Рэспублікі
Беларусь у таварах і паслугах, удасканаленню абслугоўвання пакупнікоў, развіццю
спажывецкага рынку шляхам укаранення сучасных, эфектыўных метадаў і фарматаў
гандлю, рэалізацыі сацыяльных праектаў, а таксама ўмацаванню прэстыжу прафесіі.
Напярэдадні святкавання 100-гадовага юбілею органаў
гандлю ў рэспубліцы пройдзе шэраг мерапрыемстваў, прысвечаных гісторыі
ўтварэння беларускага гандлю, якія дэманструюць яго найбольш значныя
дасягненні, а таксама роля чалавека, які прысвяціў сваё прафесійнае жыццё
рабоце ў гандлі.
26 ліпеня 2024 года ў Вялікай зале Палаца Рэспублікі
пройдзе рэспубліканскае ўрачыстае мерапрыемства, прысвечанае прафесійнаму святу
"Дзень работнікаў гандлю".