ДЗЕНЬ ЧАРНОБЫЛЬСКАЙ ТРАГЕДЫІ

26 красавіка стала асаблівай датай не толькі для грамадзян Беларусі і Расіі, але і для ўсяго свету.

Усё цывілізаванае чалавецтва ў гэты дзень успамінае аб падзеях на Чарнобыльскай АЭС, аб тых, хто, не шкадуючы жыцця і здароўя, стаў на барацьбу з радыяцыйнай стыхіяй.

 Праз трэць стагоддзя звыш 13% тэрыторыі Беларусі застаюцца забруджанымі. Брагінскі раён у Беларусі - адзін з самых пацярпелых. Ён мяжуе з заражанай зонай адчужэння.

Урокі мінулага гучаць у гэты дзень ва ўнісон з чарнобыльскай малітвай. Ва ўсіх храмах Беларусі моляцца, каб падобнага ніколі не паўтарылася.