ПРАФСАЮЗНАЯ КАНФЕРЭНЦЫЯ

28 красавіка ў будынку Віцебскага філіяла Міжнароднага ўніверсітэта «МІПСА» адбылася канферэнцыя першаснай прафсаюзнай арганізацыі Віцебскага УП «Фармацыя». Цэнтральнай падзеяй дадзенага мерапрыемства было галасаванне за новы калектыўны дагавор.

З двума дакладамі выступіў старшыня прафсаюзнага камітэта першаснай прафсаюзнай арганізацыі Ільіна Івана Уладзіміравіча, у якіх былі разгледжаны пытанні аб рабоце камісіі па калектыўных перагаворах і адрозненні праекта новага калектыўнага дагавора ад дзеючага. Асаблівую цікавасць дэлегатаў і гасцей выклікалі пытанні, звязаныя з пашырэннем сацыяльнага пакета работнікаў Віцебскага УП "Фармацыя". Сацыяльны пакет адна з прычын стопрацэнтнага прафсаюзнага членства на прадпрыемстве.

Далей былі даклады, якія раскрывалі прафсаюзнае жыццё з розных ракурсаў. Прафгрупа аддзела захоўвання №3 аптэчнага склада Пішчэйкі Юлія Віктараўна распавяла аб турыстычным кірунку дзейнасці прафсаюзнай арганізацыі. Член прафсаюзнага камітэта Машара Андрэй Сяргеевіч выклаў асноўныя перспектывы выкарыстання інфармацыйных тэхналогій у рабоце сучаснага прафсаюза. Намеснік загадчыка ЦА №105 Браслаўскага раёна першай катэгорыі Упіціс Наталля Вячаславаўна расказала аб сацыяльным партнёрстве па пытаннях аховы працы.

Завяршылася канферэнцыя галасаваннем і новы праект калектыўнай дамовы быў прыняты аднагалосна.