У трэцюю нядзелю чэрвеня
штогод усе медыкі Беларусі адзначаюць сваё прафесійнае свята - Дзень
медыцынскіх работнікаў. У гэтым годзе гэта свята адбудзецца 18 чэрвеня.
Дзень медыка - афіцыйнае
прафесійнае свята, заснаванае яшчэ ў 1980 годзе Указам Прэзідыума Вярхоўнага
Савета СССР "Аб святочных і памятных днях".
Лячэнне спакон веку
лічылася адной з самых шанаваных і адказных прафесій. Паўсядзённы клопат аб
здароўі насельніцтва, папярэджанне захворванняў, вяртанне хворых да паўнацэннага
жыцця - усё гэта надае асаблівы статус медыцынскім работнікам, людзям высокага
грамадскага абавязку.
Дзень медыцынскага
работніка - прафесійнае свята тых, хто абраў для сябе нялёгкі шлях дапамагаць
людзям, аблягчаць боль, дарыць надзею на акрыянне, а часам і ратаваць жыццё. Бо
здароўе - самая галоўная чалавечая каштоўнасць.
Спагада, гуманізм і
міласэрнасць - на гэтых прынцыпах заснавана наша прафесійная дзейнасць.
Віншуем усіх калег з
гэтым цудоўным святам!
Жадаем Вам поспехаў у
Вашай няпростай працы, здароўя, ясных дзён, міру і кахання!