ЖАНЧЫНА ГОДА - 2024

У рамках мерапрыемства "О, жанчына, - ты мір!" у Віцебску ўшаноўвалі пераможцаў гарадскога этапа конкурсу "Жанчына года-2024". Гэта было традыцыйнае мерапрыемства, якое гарадская арганізацыя Беларускага саюза жанчын праводзіць напярэдадні Дня жанчын. Яно стала сапраўдным святам для ўдзельніц з майстар-класамі і выступленнямі вядомых гарадскіх калектываў.

Кацярына Станіславаўна Барысеевіч, генеральны дырэктар Віцебскага УП "Фармацыя", была адзначана дыпломам у намінацыі "Лепшы кіраўнік". Яна заўсёды была для сваёй каманды не толькі строгім лідарам, але і падтрымкай, дапамагаючы кожнаму раскрыць свой патэнцыял. Кацярына Станіславаўна адзначыла, што поспех працы прадпрыемства — гэта найперш вынік адзінства і згуртаванасці калектыву, дзе кожны супрацоўнік адчувае сябе важнай часткай вялікай сям'і.